"లకోటా ప్రశ్న"(Bita) ...అడగండి...వెంటనే మీకు జవాబులు రడీ..!!

మనం బ్లాగుల్లో ..పేపర్లలో.. రొజూ చూస్తున్న ప్రశ్నలు... "రాముడున్నాడా..?" ..."చిరంజీవి పార్టీ పెడ్తాడా...?" ........" చిరుత విజయం సాధిస్తుందా...? "మధ్యంతరం వస్తుందా.?" "తెలంగాణా లొల్లి యేమయిద్ది..".....మరి ఇలాంటి ప్రశ్నలకి జవాబుల కోసం మనందరం బుర్ర బద్దలు కొట్టుకోకుండా..నేనొక చిన్న సాధనం తయారు చేశా ..ఇదిగో నా బ్లాగులో పక్కనే పైన ఉన్న డబ్బాలో మీ ప్రశ్న రాయండి...వెంటనే జవాబు మీకు కనిపిస్తుంది.....ఇదేదో అల్లా టప్పా విద్య కాదండొయ్... నా ఆరవ తరగతి ఎండాకాలం సెలవుల్లో మా తాతయ్య నేర్పిన "లకోటా ప్రశ్న" చెఫ్ఫే విధానం...:)) మరి అప్పటికి నాకు అర్ధం అయ్యే సులువైన విద్య అదే కనుక ..ఠక ఠకా నేర్చేసుకున్నా...జాతకశాస్త్రం మన తరాలు నమ్మటం మానేశాం ...కానీ.. అందులో నిజమైన ప్రావీణ్యం ఉన్నావారు చెప్పే విషయాలు అప్పుడప్పుడు చాలా అబ్బురపరుస్తాయి(ట) ..!

యేంటీ.. ఇదేదో... Yahoo! Answers (click to open) కి కాపీ.. లాగా ఉంది అంటారా...? మరదే...అన్ని మన వేదాల్లోనే ఉన్నాయష..! అని వినలేదా...కాకపోతే మనవాల్లు .. "లకోటా ప్రశ్నలు..." వాళ్ళు "డకోటా ఆన్సర్స్" అంతే తేడా...


మరి ఆ మాజిక్ గురించి రాసేముందు... మీరు మీ ప్రశ్నని తెలుగులో/ఇంగ్లిష్ లో ...."లకోటా ప్రశ్న"(Bita)" అనే విభాగం లో రాయండి..ఎప్పుడైతే బటన్ నొక్కుతారో మీ జవాబు మీకు కనపడుతుంది వెంటనే...(కొన్ని ఫన్నీ ప్రశ్నలని ఉదాహరణలు గా రాశా అక్కడ చూడండి..)

అందరు నవ్వుకునే విధంగా ఎమైనా ఉంటే ..మీ సరదా సరదా ప్రశ్న లు ...వాటి జవాబులు కామెంట్స్ లో రాయండి..:)

దీన్ని ఎందుకు ఉపయోగిస్తారు..?

దీన్ని సాధారణం గా...పల్లెటూర్లలో ....యేదైనా కొత్త పని లేదా వ్యాపారం మొదలెట్టే ముందు ఆ పని చేసే వారిలో ఒక పాజిటివ్ ధ్రుక్పధాన్ని కలుగ జేసేందుకో .. లేకపొతే ఏవైనా వస్తువులు ..జంతువులు పోయినప్పుడు ( ఆవులు..గేదె లు...పల్లేటుర్లలొ మేస్తూ మెస్తూ దారి తప్పుతూ ఉంటాయి..) ....వాటి జాడ తెలియ చెప్పడానికి... ఉపయోగిస్తారు...
ఎప్పుడయితే వీరు వచ్చి "ఫ్రశ్న" అడుగుతారో ( ఉదా: రేపు నేను మొదలు పేట్టే పని సక్రమంగా అవుతుందా?").. ఆ అక్షరాల సంఖ్య ఆధారంగా కొన్ని గణాంకాలు వేసి వచిన శేషం ప్రకారం దాని జవాబు వస్తుంది...


ఇది ఎలా పని చేస్తుందంటారా...చాలా సింపుల్...:-) ఆ ఫార్ములా :

1) మీ ప్రశ్న లోని అక్షరాలని లెక్కించండి... ( దాన్ని Q అనుకుందాం )


2) ఆ సంఖ్య ని 2 చేత గుణించండి.. ( Q * 2 )


3) దానికి 12 ని కూడండి.. ( (Q * 2) + 12)


4) వచ్చిన దానిని 9 చేత భాగించండి.. ( (Q * 2) + 12) % 9 )


5) వచ్చిన శేషం ని ఈ క్రింది పద్యం తో పోల్చి జవాబు తెలుసుకోండి...


వసు ద్వితీయే నఃభవంతి కార్యం
రస చతుర్ధీ నిజ కార్య సిద్ధీ
సప్త తృతీయే కథయంతి వార్తాః
నవ యేక పంచా త్వరితం లభేత్...


వచ్చిన శేషము ...దాని అర్థం :-

8 or 2... "what you are thinking will not happen!!"

6 or 4...."Yes...This will be a success!!"

7 or 3.... "You will be knowing some news abt this very soon!!

9 or 1 or 5 ......"Yes.. but it will be realised in future"



Disclaimer : Intended for fun, use at your own risk ;)

||వారెవ్వా ఏమి బ్లాగు..||...బ్లాగు సాంగ్....పది బ్లాగులు...

మా బ్లాగానందం ని బ్లాగులు రాయమని...రాసిన...పారడి.. :-)
"మనీ" సినిమాలోని " వారెవ్వా ఏమి ఫేసు...అచ్చు హీరో లా ఉంది బాసూ" పాటకి... ఈ బ్లాగు పారడీ ...( క్రింద Youtube వీడియో ని ఆన్ చేసి...సరి కొత్త లిరిక్స్ చదవండి...)
~~~ ~~~ ~~~

వారెవ్వా ఏమి బ్లాగు...పచ్చని పైరల్లే ఉంది సాగు....
వస్తుంది కూడల్లో ఫస్టు...మరి చేసెయ్యి కొత్త పోస్టు... ||వారెవ్వా ఏమి బ్లాగు..||

పిచ్చెక్కి నెట్టిజెన్స్..కామెంట్సిచ్చేలా చెయ్యి బ్లాగ్సు....
చెప్పింది చెయ్యరా...నీవేరా ... మాక్స్ రేటింగ్సు.. ||వారెవ్వా ఏమి బ్లాగు..||


వీవెన్ టెక్నిక్ కన్నా.. ఏం తక్కువ నీకైనా...
యెన్నారై బ్లాగుల్లోనా.... ఎవరెక్కువ నీకన్నా...

కవితలు..జోకులు...వాతలు..కోతలు రావా నీకైనా..

రానారే అయినా పుడుతూనే.. .' రాయల ' స్టార్ అయ్యిపోలేదయ్యా..
తెగించే సత్తా నీకుంటే .. తెలుగులో కొత్తే నీదయ్యా...

విహారి.. కొత్తపాళి..
నల్లమోతు.... జ్యోతి..
రాధిక. సౌమ్య..
తొటరాముడు... అదర్సు
మొత్తంగా అందరూ... అయ్యిపొవాలొయ్ నీ ఫాన్సు... ||వారెవ్వా ఏమి బ్లాగు..||

సోది..సొల్లు..నస ... అంటారే ...బయటంటే....అక్కడ చేసే పనులే... బ్లాగుల్లో చేస్తుంటే ..
ఓహొ అంటూ.. జే కొడతారు... తేడా ..బాక్అప్పే...!!

నీ బ్లాగే బాగుంది అంటారు...నీ సృజనే సూపర్ అంటారు...
అత్యుత్తమ బహుమతులిస్తారు...అందరికీ గురువు ని చేస్తారు...

బాగుంది కాని ప్లాన్.. పల్టీ కొట్టిందొ ఏమి కాను..
బేకారు బాత్ మాను.. జర బ్లాగర్ లో అవ్వు జాయిను.. ||వారెవ్వా ఏమి బ్లాగు..||




అసలు పాట సాహిత్యం...

వరెవ్వ ఎమి ఫేసు.. అచ్చు హీరో లా ఉంది బాసు..
వచ్చింది సినిమా చాన్సు.. మరి వేసెయ్ మరొ డోసు...


పిచ్చెక్కి ఆడియెన్సు ..రెచ్చిపొయేలా చెయ్యి డాన్సు...
చెప్పింది చెయ్యరా.. నీవేరా ముందు డేసు..


అమితాబ్బచ్చన్ కన్నా ఎం తక్కువ నువ్వైనా..
హాలివుడ్ లొ అయినా ఎవరెక్కువ నీకన్న..

ఫయిటు.... ఫీటు.... ఆటా.... పాటా..... రావా నీకైనా..

చిరంజీవైనా పుడుతూనె మెగాస్టారయ్యిపొలెదయ్యా..
తెగించె సత్తా చూపించందే సడన్ గా స్వర్గం రాదయ్యొ...

బాల్లయ్య.. వెంకటెష్...నాగర్జున నరేష్.. రాజెంద్రుదు సురేష్.. రాజశేఖరు అదర్సు..
మొత్తంగా అందరు అయ్యిపొవాలొయ్ మఠాషు..

గూండా రౌడి దాదా అంటారె బయటుంటె.. ఇక్కడ చెసే పనులే సినిమాల్లొ చూపిస్తే..
ఒహొ అంటూ జెయ్ కొడ్తారు..తేడా మేకప్పె..


నువ్వుంటె చాల్లే అంటారు.. కథెందుకు పోన్లె అంటారు..
కటౌట్లు గట్రా కడ్తారు...టికెట్లకి కొట్టుకు చస్తారు


బాగుంది కాని ప్లాన్.. పల్టి కొట్టిందో ఏమి కాను..
బేకారు భాతు మాను.. జర ..దారూ తగ్గించు ఖాను..

సుప్రీంకోర్టు జిరాక్స్ షాప్...( 40 ps per Page ) ....

కోర్ట్‌తీర్పు డాక్యుమెంట్స్ అందలేదని అయిదుగురిని బెయిల్ మీద వదిలేశారటకదా...(అదేనండి...టాడా ..సంజయ్‌దత్..గుర్తొచ్చిందా) ...ఇది విని ఇంక నేను మా మేనేజర్ తో చెప్పి ఇండియా ప్రయాణమవుతున్నా.....ఎందుకంటే...మరి ఇప్పుడు జైల్లో ఉన్న వాళ్ళందరూ ..అంటే... దగ్గర దగ్గరగా ఒక నాలుగున్నర లక్షల మందిని బెయిల్ మీద రేపో మాపో వదిలెయ్యాలి కదా... వాల్లందరికీ మరి ఆ డాక్యుమెంట్లేవో ఇయ్యాలంటె..ఎలా..? అందుకే నాకొక బ్రహ్మాండమయిన అవుడియా అయ్యింది...అదే "సుప్రీం కోర్ట్ జిరాక్స్ సెంటర్"...ఒక పే...ద్ద... చెయిన్ జిరాక్స్ సెంటర్ కాన్సెప్ట్ తో....దేశమంతటా ..ప్రతీ కోర్ట్ దగ్గరా జిరాక్స్ షాపు లు పెట్టి ....తీర్పు ప్రతులన్నింటినీ 40 పైసల కే జిరాక్స్ తీసి మన కోర్టులకి ఇచ్చేస్తే......ఏదొ ఉడుతా భక్తి గా దేశానికి సేవ చేసినట్లూ ఉంటుంది...(మన తెలుగు బ్లాగర్ల కి 50% డిస్కౌంట్ అండొయ్...త్వర పడండి...)

అయినా...ఆరేల్ల కఠిన శిక్ష పడ్డవాడు .....నెల శిక్ష కూడా కాకుండా పేపర్లు లెవ్వని బెయిల్ అడగటమేంటొ.....అదేదో కింది కోర్ట్ CMM level - 5 ఆడిట్ లో తప్పు చేసి పట్టుబడినట్లు..... సుప్రింకోర్ట్ ఇచ్చెయ్యడమేంటొ...

దీని తర్వాత మరి ఈ ఖైదీ లంతా...తీరిగ్గా..తీర్పుని చూస్తూ... డవుట్ క్లారిఫికేషన్ సెషన్ చేస్తారేమో కోర్ట్ తో....హతవిధీ..

ఇక "నెహ్రూగిరి" తో "సంజయ్ దత్" ..అఛ్ఛా ఖైదీ...56 ( AK 56 )

సంజయ్ దత్ జైల్లో నెహ్రూ గారి లాగా....పుస్తకాలు... డైరీ..లు రాయటం మొదలెట్టాడు...ఈ "నెహ్రూగిరి" మొదలెట్టి రాసిన డైరీ లో ఒక పేజీ....ఇదిగో...

* * * * * * * *

"చట్టం తన పని తాను చేసుకు పొతుంది...చేసుకుపొయింది కూడా..."

చీకటి ప్రపంచం తో స్నేహం ఈ చీకటి గదికి నన్ను చేర్చింది... ఒక AK56 ..నలభై యెనిమిదేల్లకి నాలో తూటాలు దించింది...కౌరవుల పాపం పండటానికి 14 యేల్లు పడుతుందని మహాభారతం లో పాండవుల అరణ్యవాసం నిరూపించినట్లు... నా పాపం ఇదిగొ ఇలా 14 యేల్ల తరువాత ఇప్పుడు పండింది...

మార్చి 12(1930).....ఆ మహాత్ముడు..నా బాపూ...ఉప్పు సత్యాగ్రహం కోసం "దండి" యాత్ర చేస్తే ...అదే మార్చి 12(1993)న కొందరు భారత మాత ఉప్పు తిని ...ఆమెపైకి ముంబాయి పేలుళ్ళ ద్వార దండ యాత్ర చేసారు...

సహాయ నిరాకరణ ఉద్యమం తో..బ్రిటీషు పాలకులను మూడు చెరువుల నీల్లు తాగించిన మహాత్మా గాంధీ కి 1922 లో..ఇదే జైల్లో...ఇదే ..6 యేళ్ళ శిక్ష విధించారట..నేను..ఈ పవిత్ర భారత దేశానికి నా సత్ప్రవర్తన చూపించి ఈ ఆరేల్ల శిక్ష "సాధించ" గలిగా...హ ..నాకూ బాపూ కి పొలికా...? ఇంకా నా మీద జనాల్లో ఉన్న అభిమానం కాకపోతేనూ... కానీ... ఎక్కడొ ఆశ...మరి నన్ను కూడా....శిక్షాకాలం ముగియకుండానే ..గాంధీ లాగా.. రెండేళ్ళకే వదిలేస్తారా...ప్చ్..ఏమో....భగవంతుడా...

దక్షిణ ఆఫ్రికా లొ ...జైల్లో ఉన్నప్పుడు గాంధీ తమిళం నేర్చుకున్నారట ..పుస్తకాలు చదివే మంచి అవకాశంగా దాన్ని ఆయన భావించారట...
**నేను కూడా..తమిళమో..తెలుగో...నేర్చుకుంటా...బయటకి వచ్చాక...నా సినిమాలు నేనే రీ మేక్ చేసుకుంటా అన్ని భాషల్లో.... :) హ...

చేసిన తప్పుకి ప్రాయశ్చిత్తం ఇంక ఎంతో చెయ్యాల్సి ఉంది....!!! ఇక్కడ ఒక కొత్త జీవితం మొదలెడ్తా......

** మరిన్ని పుస్తకాలు చదువుతా..... నాలా ఎవ్వరూ తప్పు చెయ్యకుండా నా అనుభవాలను... జీవన పాఠాలను...పుస్తకాలు గా రాస్తా....

** నా అల్లరితో జైలర్ లింగం మావల బడతం పడతా ..

** కరడు గత్తిన తీవ్రవాదులకి .."జాదూ కి..ఝప్పీ .." రుచి చూపిస్తా....యావజ్జీవ కారాగారులకి,ఉరి శిక్ష పడిన వారు...ప్రతి నిమిషమూ ఆనందించేట్లు చేస్తా.......

****....అఛ్ఛా ఖైదీ 56 (AK 56) అనిపించుకుంటా....!!!

వెతుకు.....వెతుకు.... వెతకాలీ.....

(శోధనమున పనులు సమకూరు ధర లోన " )

సాంఘీక శాస్త్రం పరీక్ష హాల్లో..గాబరా గా జేబులన్నీ వెతుకుతున్న విద్యార్థి ని...

"ఏమి వెతుకుతున్నావు రా నాయనా అని" పంతులు గారు అడిగితే...

"భారత రాజ్యాంగం".. మాస్టారూ... ఇక్కడే ఎక్కడో పెట్టా "..అని నాలిక్కరుచుకున్నాడట...

నాకు తెలిసినంతవరకూ...ఇప్పుడు.....వెతకటం అనేది అసలు ఒక కళ...ఒక శాస్త్రం...ఒక వ్యాపారం...ఒక వ్యాపకం...కొంతమందికయితే...ఇదే జీవితం మరి...

హా...ఏంటీపైత్యం...అనుకుంటున్నారా.....ఇంటర్నెట్ ప్రపంచం లోమనం రోజూ ఎన్నో రకాల గాలింపులు చేస్తున్నాం...తెలియనిదేదయినా..ఉంటే... మొట్ట మొదట వెతికేది ...గూగుల్ లోనే కదా.. మరి..గూగుల్ శాస్త్రమా...వ్యాపారమా..వ్యాపకమా అని అనుకునేముందు... కొంచెం వెతుకులాట గురించి...మట్లాడుకుందాం..

అసలు జీవితం లో ..ఈ వెతుకులాటనేది.....చేతికి అందకుండా అమ్మ దాచిన పప్పు బెల్లం దగ్గర మొదలయి...మట్టి హుండీల్లో.. నాన్న చొక్కాల్లో.. ..చిల్లర పైసల కోసం వెతికే పేజీ కి.... అక్కడినుండీ...పరీక్షల్లో ..జానెడు జేబుల్లొ రాజ్యాంగాన్ని వెతికే..లంకె కి చేరుతుంది..

"ఫుడ్ లేకపొయినా.. బెడ్ లేకపొయినా...పగలు రాత్రి వెతికీ వెతికీ నీకే లైనేశా..." నుండి..
"నీ కోసమే ఈ అన్వేషణ.. నీ ధ్యాస లో...ఈ ఆలాపన" అనే విరహ గీతాల స్థాయికీ చేరుతుంది ...

ఇంతేనా..ఈ వెతలూ... ఈ వెతుకులాటలు ..అన్వేషణ లు... శోధన లు...గాలింపులు... జాలాలు... చాలా రకాలు...

అందులో.. మచ్చుక్కి...ఇదిగో ఇలా...

సత్యాన్ని...ఒకరు వెతుకుతుంటే...శాంతిని మరొకరు వెతుకుతుంటారు...:)

దేవున్ని దోవులాడేవారు కొందరయితే... వేరే గ్రహాల్లో జీవానికి జాలాలేసే వారు మరి కొందరు...

నరాలు..నాడులు...వెతుకుతూ.. లేని రోగాలు వెతికీ మరి అంటగట్టే డాక్టర్లు కొందరు..
తమిళ నాట.. వీరప్పన్ ని వెతకటానికి ప్రభుత్వాల ఆటలు... , ప్రపంచ శాంతి పేరున..లాడెన్ కోసం.... బుష్ చేసిన వెతుకు'లాట'లు...

ఇక మనదగ్గర... ప్రతి పక్షమేమో పాలక పక్షంలో ని తప్పులు వెతుకుతుంటే... పాలక పక్షం...ప్రతి పక్షం చరిత్రని వెతికి మరీ "కడిగేస్తానంటుంది.."

పురాణాల్లో.. శ్రీరాముడు...రావణుడు అపహరించిన సీతమ్మవారి కోసం వెతగ్గా......శ్రీకృష్ణుడు...తను అపహరించని...శమంతక మణి కోసం వెతికిన వైనం,..వెతుకుతూ వారు సాధించిన లోక కళ్యాణం...తెలియంది కాదు..

...వంద కోట్ల చిరునవ్వుల్ని.. సుందర స్వప్నాల్ని వెతికే మరో అబ్దుల్ కలాం లాంటి వాళ్ళు..ఈ కుల్లు రాజకీయాల్లో..అంజనం వేసి వెతికినా ...కనపడతారా..? వెతకటం మొదలెడితే..అదేదొ సబ్బు ప్రకటన లొ లాగా.."ఇంక మీరు వెతుకుతూనే ఉంటారు.."....

సో... ఈ వెతుకులాటలన్నింటినీ మించి..... 'వెతకటా'నికి దాదాపు గా సమానార్థం సాధించుకున్న పదం గూగుల్ ( google , googling )...పుట్టబొయే పాపకి పేరు పెట్టడం నుంచి.. ..చంద్ర మండలం పై మానవుడి ప్రయోగాల ఫలితాల గురించి....ఏదైనా క్షణాల్లొ.. వెతికి మన లోగిలిలో ఉంచేదే గూగుల్..!!

స్నేహితులని వెతకటానికి ఆర్కుట్.... ( Orkut)

చలనచిత్రాలని వెతకటానికి యూట్యూబ్.... ( Youtube)

వెతక పొయిన తీగ కాలికి తగిలినట్లుoడే ఆడ్ వర్డ్స్...(ప్రకటన పదాలు..).లతో....( AdWords)

చంకలో..పిల్లాడినెట్టుకుని..ఊరంతా వెతికే భయం లేకుండా... గూగుల్ డెస్క్ టాప్..(Google DeskTop)

ఇలా... ఇందుగలదందు లేదని సందేహము వలదు...ఎందెందు వెతికినా గూగుల్ అందందు కలదని చాటుతుంది.....

ప్రపంచం లోని ఙ్ఞానాన్నంతటినీ....ఒక చోట చేర్చి..."శోధనమున పనులు సమకూరు ధర లోన " అని..నిరూపిస్తుంది....కాబట్టి...అందుకే..వెతుకు.. వెతుకూ... వెతకాలి.. !!!

అన్వేషణా రసికులకు గూగుల్ ..కౌగిలి లో...కొన్ని శోధనా చిట్కాలు...:

పొ.ప.న -- *LOL* ( పొట్ట పగిలి నవ్వ౦డి)

వయ్యస్ పోగర్ నిర్మా!!..వయ్యస్ పోగర్ నిర్మా!!..

'బాబు' లోని తెలుపు...వయ్యస్ తో..వచ్చి౦ది...

ర౦గ౦ లో..నేతల్ని.. తళ తళ గా..కడిగేను..!!

ఇప్పుడు ..అర్థమయ్యి౦దా..మేము..ఈయన్నే CM గా ఎ౦దుకు...ఎన్నుకున్నామో..!!? :)) ..lol..(పొపన)

...
తాత్పర్యము..

పార్థా..!! వయస్సు వలన వచ్చు వగరు తీవ్రత చే...ప్రపంచమును.. తళతళ లాడించ వచ్చును...
'చంద్రు'ని లో..తెలుపు ని.. అనగా పౌర్ణమి ని తెచ్చునది.. ' వయస్సే.'
'బాబు' కి..అనగా పసి పాపలకు...తమ నిజ తేజముని...కలిగించునదీ.. 'వయ్యస్సే...'
ఇదియే... మన 'వయ్యస్సు'.. 'ఖర్మ' సిద్ధాంతం...

చి లి పి @ చిం త కా య . కాం

నేటి మన కథానాయకుడి పేరు....."చిలిపి". (ఇదేమి పేరంటారా...కొంచెమాగండి..ఈ బ్లాగోతం అంతా మరి వీడి... చిలిపి పనుల గురించే) ...ఇతను.. సాలెగూడు లో సాగుబడి చేద్దామని తెలుగు వెబ్ సంతలన్నీ వెతగ్గా..వెతగ్గా... దొరికిందొక..వింతైన చోటు...అదే చింతకాయ.కాం ....
అంతే ...మన వాడికి చింతకాయని చుసేసరికి ...మౌస్ ....మనసు..ఆగలేదు...క్లిక్క్ మనిపించాడు..హొంఫుట హాం ఫట్ అని ప్రత్యక్షమయ్యింది..

అందమయిన హొంపుట..ఎదర..హెడర్ లో...అటూ ఇటూ పేజీ కి ..చింతకాయల జే పీ జీ లు వ్రేలాడ తీసారు...పచ్చి పచ్చి గా.. ఆకుపచ్చని చింతకాయలు...క్లిక్కితె తొక్కూడుతాయా అన్నట్లున్న వాటిని చూసి.. మనవాడి..నోరూరింది..
అసలే..."ఆవలిస్తే ప్రేగులు లెక్క పెట్టగలిగి...యూ ఆర్ ఎల్ ఇస్తే పేజీలూ లెక్క పెట్టగలిగే మన "చిలిపివాడు.." ..చింతకాయ.కాం కి పది కి పన్నెండు మార్కులు వేసాడు ముందు పేజీ లొనే........
.వెను వెంటనే... "సయినప్ శాయరా ఢింభకా " బటన్ ని...క్లిక్కుమనిపించాడు...జై చింతకాయల భైరవీ...అని గట్టిగా అరచి....

ఆ మంత్రాలకి...నాల్గు చింతకాయలు రాలి...కీ బోర్డ్ మీద పడ్డాయి...

తరువాతి పేజిలో..చింత తొక్క యుసెర్ దరఖాస్తు ...అహా కాదు.. కాదు.. కొత్త చింత యుసెర్ దరఖాస్తు అలియాస్ ప్రశ్నా పత్రము..బార్లా తెరుచుకుంది బ్రౌజర్ లో... (వెనకటికెవరో ..ఈడు మీదున్న సైటు కి...స్పీడు ఎక్కువన్నట్లు..)
ముందు గా సూచనలు అని..ఈనాడు లో సంచలన వార్త సైజు లొ ఎర్రగా రాసి ఉంది.. ఒక ఇరవై ముప్పై రాసారు... వాటిని చదవటం మొదలెట్టాడు..,
1)పలక, బలపం ..స్కేలు...జామెట్రి డబ్బా..సైద్ధాంతిక కాలుక్యులేటర్ మీ చేతికి అందేంత దూరం లొ ఉంచుకొండి..
2) నిజాయితీగా... జవాబులు రాసిన వారికి... Internet Explorer 7 లో కూడా మా పేజీ..స్పీడ్ గా లోడ్ అవుతుంది...

ఇలా సాగాయి..............

అన్ని సూచనలు సతికాక ...అసలు పని లో పడ్డాడు...

మొదట గా పేర్లూ...గొత్రాలు...ఎట్సెట్రా....:

పేరు : లింగేశ్వర ప్రసాదు
ఇంటి పేరు : చింతావారి
యూసర్ పేరు : చిలిపి @ చింతకాయ.కాం
పాస్ వర్డ్ : * * * * * ( పాసు వర్డ్ బలం చుసుకొండి @@@@@@)

మన వాడి పేరు చింతావారి లింగేశ్వర ప్రసాదు.... ఎన్నొ పూజలు చేసి.. చేసి... ఆ శ్రీశైలం మల్లిఖార్జున స్వామి ప్రసాదం అని ఈ పేరు పెట్టారు..అది కాస్తా.. చిలిపిగా మారింది..
...పాసువర్డ్ బలం ఏంటో మన వాడికి అర్థం కాలేదు....పాసువర్డ్ బలం పక్కనే...స్క్రీన్ మీద ఒక చిన్న చింత పిక్క బొమ్మ తిరుగుతూ ఉంది... సర్లే 'పొ'మ్మన్నట్లు "తరువాత" విభాగానికి...దూకాడు.. ...అంతే... వెంటనే... పాపాల చిట్టా చుపుతూ..ఒక పాప్ అప్ వచ్చింది...అందులొ "మీ బొంద..పాసువర్డ్ చాలా బల హీనం గా ఉన్నది.." అని రాసి ఉంది..

...మన వాడికి చిర్రెత్తుకొచింది.... వెంటనే.. ఒక గ్లాసెడు బూస్ట్ తాగి... బూస్ట్ ఈస్ ద సీక్రెట్ ఆఫ్ మై ఎనర్జీ...అని.. మూతి తుడుచుకుంటూ...ఇంకో నాలుగు చుక్కలు నొక్కాడు... పాసువర్డ్ బలం చింతపిక్కలు.. ఒకటి నుంచి... నాలుగు కి పెరిగాయి...మన వాడు... విజయ గర్వంతో....గింగిరాలు తిరిగాడు... @@@@@@

ఇక తరువాత... పాసువర్డ్ ని గుర్తు తెచ్చే సూచకపు ప్రశ్న ని ఎంచుకోమని రాసి ఉంది...అందులోనుంచి తడుముకోకుండా..."మీరు మొదటి సారి చింతపండు కొన్న దుకాణం పేరు" ని ఎంచుకుని.. ముందుకు సా....గా...డు...

ఇక చివరి విభాగము...మానవ నిర్ధారణ అంటే... ఏంటంటారా...అదేనండీ..
"స్వయంచాలిత సరళ సూత్ర యంత్రముల"(Automated Software Registration robos) బారి నుండి ..తప్పించుటకు.... చింతకాయ.కాం వారి ఈ రెండు సమధానములు తెలిపి...మీ ఈ కార్యక్రమం పూర్తి చెయ్యండి.." అని చూసి...స్కేలు తో మార్జిన్లు కొట్టి మరీ రడీ అయ్యిపొయ్యాడు...
(దీనికి సాధారణంగా ..ఏ గజిబిజి గా రాసిన అంకెల బొమ్మనో...లేదా.. పదాన్నో గుర్తించమంటారు కదా....మరి మన చింతకాయ వారు ఏమడిగారో ....చూడండి.. )

అందులో మొదటి ప్రశ్న.."క్రింద చూపిన పటముని పరిశీలించి..సరి అయిన చిత్రాన్ని పోల్చి జత చేయుము.."
(లంబకోణము..అల్పకోణము..అధికకోణము..వృత్తము..ధీర్ఘ వృత్తము )

ఇక రెండవ ప్రశ్న...ఎంటంటే... "కలన గణితం లోని.. ఈ సులభమైన ప్రశ్నలని..సాధించండి..నిజ్జం మనుషులని నిరూపించుకొండి..."

జవాబులని.. పక్కన ఉన్న పెట్టెలో వరుసగా టైపరా ఢింభకా..."

...చెమటొడ్చి...ఎట్లా అయితేనేమి...అన్నీ సాధించి.. చివరగా ఉన్న "పదండి ముందుకు..పదండి తొసుకు " అనే బటన్ ని ఒక్క తొపు తోసాడు "చిలిపి" ....

ఉత్కంఠతో... ఎదురు చూస్తున్న ..మన వాడికి.. 'నాలుగూ 'సున్నా' 'నాలుగూ' (404) రూపం లొ సున్నం మిగిలింది...విస్తా ఆంతర్జాల బ్రౌజర్ ఏడు (VISTA IE 7 ) మహిమకి బేజారయ్యడు... "ఇంకేం చెస్తాం... అడ్జస్ట్ అవ్వుదాం" ...అనుకుని..."మరల దించు" బటన్ ని మీటాడు...చింతకాయల బుట్ట మళ్ళీ దిగ సాగింది....!!!!!

సైకత శిల్పాలు

తివిరి ఇసుమున తైలంబు తీయ వచ్చు
దవిలి మృగతృష్న లో నీరు త్రాగ వచ్చు
తిరిగి కుందేటి కొమ్ము సాధింప వచ్చు
చేరి మూర్ఖుల మనసు రంజింపరాదు


భర్తృహరి రాసిన ఈ సుభాషితం...సుదర్శన్ పట్నాయక్ చదివాడొ లెదో తెలీదు కాని ...అతని కళ ని చూసినవారందరూ ...దీనిని ఒక సారి గుర్తు చేసుకొవాలి...
మనందరం ఇసుక గూల్లు కట్టిన వాల్లమే...అయితే ఇసుకలొ ఉండే ఆ అనకువ ని అందంగా అపురుపమైన శిల్పం రూపం లొ మార్చచ్చు అన్న ఆలొచన...ఇదిగో కింద ఫొటొ లొ చూపినట్లు చెక్కగలగిన సృజనాత్మకతకి జొహార్లు






పికాసో, రవివర్మ ల కళల తర్వాత ..నేటి కాలంలో ఆకట్టుకునే కళల్లో ..తప్పకుండా ఈ సైకత శిల్పాలు(ఇసుకతొ చేసిన శిల్పాలు)నిలుస్తాయి....నాకు ఈ సైకత శిల్పాలని మేడం తుస్సాడ్స్ తో .. ఇంకా జూలియన్ బేవర్ 3డి స్ట్రీట్ ఆర్ట్ తో.. పొల్చి చుడాలనిపిస్తుంది ...జీవకల కలిగిన మేడం తుస్సాడ్స్ మైనపు బొమ్మల ని చూసి ఎవరైనా ముగ్ధులవ్వాల్సిందే ... అలాగే విన్నూత్నమైన 3డి స్ట్రీట్ ఆర్ట్...మన కనులకు చక్కని విందు చేస్తుంది..



ఈ ఇసుక బొమ్మలని చూసి ...ఆ సౌందర్యం వెనుక ఉన్న సాధనని ప్రశంసించకుండా ఉండలేము..ఒరిస్సా లో మొలకెత్తిన ఈ అరుదైన కళని ప్రస్తుతానికి కేవలం ఒక 30-40 మంది అభ్యసిస్తున్నారు...అలల అంచుల్లొ చేరిగిపొతాయని తెలిసినా ...ఈ శిల్పాలనితయారు చెయ్యాలన్న ఆసక్తే ...ఈ సైకత శిల్పకారులని ప్రేరేపిస్తుంది..

Coffee with Karan (......) కల్లు విత్ కేసరి ...

తేదీ : 18 జులై 2007

సమయం : సాయంత్రం ఆరు

ప్రాంతం : కోనసీమ ఈత చెట్ల క్రింద

కార్యక్రమం : సక్సెస్ ఫుల్ టి.వి. ప్రోగ్రాం...

"కల్లు విత్ కేసరి... "లైవ్ టెలి కాస్త్

నిడివి : అయిదు నిమిషాలు

నమస్కారం... నాతొ ఈ రోజు కల్లు తాగబొయే మొదటి వ్యక్తి... ఈ ప్రాంతం లోనే బాగా పేరు మొసిన కల్లుపానంద రావు...నమస్కారమండీ..కల్లుపానంద రావు గారూ ( ఒక మట్టి ముంతలొ కల్లు అందించా)
(కల్లు (వినయంగా కెమరా వైపు ఒక దండం పెట్టి , చేతిలొకి ముంత తీసుకుంటూ )నమస్కారం ...అన్నాడు )

మీరు ఈ చుట్టుపక్కల కల్లు ఉత్పాదనకి కల్ప వృక్షమని విన్నాం..మిమ్మల్ని కలుసుకొవటం..చాలా ఆనందంగా ఉంది...కొన్ని సరదా ప్రశ్నలకి ...ఠకా ఠకా మాకు జవాబులు చెప్తారా....



ప్ర) మీకు నచ్చిన ఒక పాట...
జ) కల్లు కల్లు కలిసాయంటె ... ప్రేమ అని దానర్ధం...

ప్ర) మీకు నచ్చిన హిందీ సినిమా...

జ) కల్లు హొ న హొ

ప్ర) మీకు నచ్చిన హీరొయిన్...?
జ) కల్లు-పనా రాయ్...

ప్ర)ఆ.....మరి.. మీకు ఆమెలో నచ్చిన అంశం
జ) కల్లు

ప్ర) మీరు ఇంతవరకూ...మీ వ్యాపారం లో చేయనిది..
జ) కల్ల్-తీ..

ప్ర) మీరు మన రాష్త్రపతి గా ఎవరు ఉంటే బాగుంటుంది అనుకుంటున్నారు
జ) అబ్దుల్ 'కల్లాం'

ప్ర) మీ భవిష్యత్ ప్రణాళిక ఎమిటో కాస్త సెలవిస్తారా...
జ) ఒకటి..ఫైవ్ స్టార్ హొటెల్ మెనుల్లోకి కల్లుని చేర్పించటం రెండు... వైజాగ్ నుండి హైద్రాబాద్ వెల్లే అన్ని విమానాల్లో ..కల్లు డ్రింక్..అందిచటం


ఆహా..చాలా చక్కగా చెప్పారండీ.... మా ప్రేక్షకులంతా ఒల్లంతా కల్లు చేసుకుని చుస్తున్నారు మీమల్ని.....
లొక కల్లు-యానార్ధం అవతరించిన కల్లు-కీ భగవాన్ మిమ్మల్ని కల్లగా..సారీ సారి కల్లులా ఛల్లగా చుడాలని..మేము కొరుకుంటున్నాం..బాయ్ బాయ్ .. కల్ మిలేంగే...

యే చికీతా...కుమస్తాస్...

2005 ఆగస్ట్ ..మా ప్రాజెక్ట్ క్లయంట్ కి ఇచ్చే రొజు వచ్చింది... నేను స్పెయిన్ కి వెళ్లాను..నా ప్రొజెక్ట్ గురించి..ఎమనుకుంటున్నరో అని కుతూహలంగా ఉంది ... నాకు వాళ్లు మాట్లాడుకుంటున్నవి అర్థం చేసుకొవటం ... దాదాపుగా అసంభవం అని తెలిసి వచ్చింది...కానీ..వాళ్ళు మట్లాడుకుంటున్నవి వింటానికి.. ఒక చెవ్వు అటు పడేశాను.....అందులో ఒక రెండు పదాలు..ఎక్కువగా వినిపించాయి..అవి..

" సీ...సీ....బాలె ..బాలె .. "

ఇంత కష్టపడి మేము చేసిన పనిని ..బాలె బాలె అని అంటున్నారేంటా అని కొంచెం ఆలొచించి.,.గూగుల్ చెయ్యగా తెలియవచ్చిందేంటంటే...'బాలే' అంటే స్పానిష్ లో సరే ( మన భాషలొ ఓ.కె. అని ;-) ) అని అర్థం...

...ఈ స్పానిష్ "బెక బెక" లు...మేము అక్కడ చాలా రోజులు భరించాము...అయినా ప్రపంచం లో చాలా ప్రాముఖ్యమైన భాషల్లొ ఒకటైన ఈ స్పానిష్ ని ఎప్పటికైనా నేర్చుకోవాలని అనిపిస్తుంది...

చాలా వరకు..వీరి యాస.. మన భాషలకి దగ్గరగా ఉంటుంది....చాలా తెలుగు పదాల్లాగా అనిపిస్తాయి కూడా....తెలుగు తో పొలిన వింతైన కొన్ని స్పానిష్ పదాలు ..వాటి అర్థాలు.. ఇదిగొ ఇక్కడ ఇంకొన్ని చెప్పనా?

స్పానిష్ లొ ..

దూడ అంటే సందేహం

దెవుడా అంటే అప్పు.. (దేవుడా...)

తింతా అంటే ఇంకు.. సిరా. (చిన్న ఫిల్లలు తింటానికి...తింతా అన్నట్లుగా )

రాణా అంటే కప్ప...( "బెక బెక" )

హొర అంటే అవర్ ( హవర్) (మన పంచాఙ్ఞము లలో ఇన్ని హొర లని సమయాన్ని లెక్క పెట్టే విధానం ఉంది )

సాలా అంటే రూం ( ఎయిర్ పోర్ట్ లొ... వీఐపి ల వెయిటింగ్ రూం కి.. "సాలా వీఐపి" అని పెద్ద పెద్ద అక్షరాలతో ..రాసినప్పుడు.. నాకు నవ్వాగలేదు... :D)

మంగొస్తా అంటే ముంగీస ...( మంగ ని అడిగి చుద్దాం..:P )

చర్ల అంటే కబుర్లు.. చాట్

వెంగా / బెంగ అంటే .. రా రమ్మని...

చిక అంటే ప్రియురాలు.. ( యే చికితా..)

ఎన్ సంచార్ అంటే సాగదీయు..పొడిగించు..

అమాంతే అంటే ప్రియుడు / ప్రియురాలు

బాల అంటే తూటా .......

మన తెలుగు పాటల్లో.. కూడా.. స్పానిష్ అప్పుడప్పుడూ వింటున్నాం కదా....
"హేయ్ చికితా ...కుమస్తాజ్..." అని గొంతు చించుకుని పవన్ కల్యాన్..పాడినప్పుడు అర్థం కాలేదు ఈ భావావేషం..(అనువదిస్తే యే పిల్లా...యేంది కతా... అని మాస్ గా..లెకపొతే..ఓ..ప్రియా...కుశలమా... అని క్లాస్ గా)

అలాగే షకలక బేబి ...పాటలొ... చివరగా "అదెదొ వస్తదా మీకు" అన్నట్లుగా సుస్మితా సేన్ వినిపించే కూత కూడ.. స్పానిష్ దె..."అడియొస్ అమిగొస్".. ..బై బై ..ఫ్రెండ్స్.. అని అర్థం ..

ఇక అమెరికా లొ స్పానిష్ విషయానికొస్తే .. ఎక్కువగా స్పానిష్ మట్లాడే వాల్లు ఉన్నారన్నది ..అందరికీ తెలిసినదే కదా..ఒకసారి అక్కడ యెదో రాష్త్రం లొ..పార్లమెంటు సమావేశాలలొ.. ఇంగ్లిష్ ని రాష్త్ర భాషగా గుర్తించడానికి ఎంతమంది అనుకూలంగా ఉన్నారు అని గవర్నర్ ఆవేశంగా అంటే ..అందరూ చెయ్యెత్తి.. "సీ" అని స్పానిష్ లొ(Si means 'Yes') అన్నారంట... అది విని ఆ గవర్నెర్ నెత్తి పట్టుకోవల్సొచ్చింది...

అలాగే... చాలా ఈంగ్లిష్ సినిమాలలో వినే ఇంకో పదం "గ్రాసియాస్" .. అంటె మన భాషలొ థాంక్స్...తెలుగు లో ..కృతఙ్ఞతలు అని....

ఇక స్పానిష్ పదాలు ఎలా ఉంటాయంటే...మీరెప్పుడైనా బాంగలూరు వెల్లారా... అక్కడ ..కన్నడ వాళ్ళ లిపి మన తెలుగు లిపి లాగానే ఉంటుంది..కాని చదివి చూస్తె వింతగా...అక్కడ కనిపించే బోర్డ్ పై...బంగలూరో...కర్నాటకో...హొటెలో..రెస్తారెంటో...ఇలా అన్ని వాల్లకే అదెంటో తెలీదన్నట్లు రాసుకున్నరేంటా అనిపిస్తుంది కదా... అలాగే స్పానిష్ కూడా......!!!

ఇంగ్లిష్ లొ చాలా వాటికి అలా "ఓఓ" అని కలిపితే ..స్పానిష్ పదాలు వచ్చేస్తాయి...... :D

ఈనాడు - ఈ పేపర్

హాయ్...

ఈ వారం ..ఈనాడు ఈ పేపర్ ని ప్రవేశ పెట్టింది..ఇన్ని రోజులు కేవలం వార్తల సూచికలనే వెబ్ లొ (http://www.eenadu.net/ )ఉంచిన ఈనాడు .. ఇప్పుడు కొత్తగా మొత్తం పేపర్ ని స్కాన్ చెసి చక్కగా కొత్త సైట్ http://epaper.eenadu.net/ ఉంచింది.. దీని వల్ల అచ్చం పేపర్ ని చదువుతున్న ఫీలింగ్ కలుగుతుంది..అంతే కాకుండా ఫొటొస్ ని, వార్తల ని క్లిప్ చేసుకుని దాచుకొవచ్చు ...

మా నాగార్జున సాగర్ లో కృష్ణా నది డాం గేట్స్ తెరిచిన వార్త ని ఇదిగొ ఇలా చదివితే ఎంత బాగుంటుందొ కదా..

పలక బలపం

'శ్రీ' అని అమ్మ నాన్నలు అక్షింతల బియ్యంలో దిద్దించినప్పుడు మొదలయింది మన "అక్షర అభ్యాసం"...ఈ వేడుక ఇంత శ్రద్ధగా జరిపించి ..ఒక లక్ష్యాన్ని ,దిశని యేర్పటు చేసి..వారు మన భాహ్య ప్రపంచ జీవనానికి శ్రీకారం చుట్టారు!
అప్పటి దాకా. బుడి బుడి నడకలతో ...బొసి నవ్వులతో...కేరింతలు కొడుతూ అందర్నీ అలరించిన మనం.. ఇకపై కొత్తగా "ప్రోగ్రెస్ కార్డు" లతో గర్వింప చెయ్యాలి :) ( అంటే పుత్రోత్సాహం టైప్ లో )
4-5 ఏల్లకే మనదగ్గర ఒక అద్బుతమైన లాప్ టాప్ ఉందండొయ్య్...అదే॥ మన కొత్త పలక...ఎంతో హూందాగా ఒక చేత్తో దాన్ని పట్టుకుని...పరిగెత్తుకుంటూ.. స్కూల్ కి వెల్తుంటే ఆ దర్జాయే వేరు....అప్పట్లో 2-3 రకాల పలకలుండేవి... రంగు రంగుల బార్డర్లు ....మరి పక్క వాల్లతొ మనకి అదే కదా పోటీ...ఇంక బలపాలు రాయటం కన్నా తినటం ఎక్కువ..;)...