యే దిల్ మాంగే నో మోర్....

యే దిల్ మాంగే నో మోర్ సూపర్ మార్కెట్స్ అండీ..... ఎక్కడ చూసినా.. మోర్లు...ఫ్రేష్ లు...అపోల్లో లు...హెటెరో లు.... ఇవన్నీ అవసరమా అసలు....

పోనీ ఇవన్ని ఎమైనా అక్షయపాత్రలు ..కల్ప వృక్షాలా...?అంటే.... ఒక వస్తువు దొరికితే...ఒకటి దొరకదు... సామాన్లు దొరికితే కూరగాయలు దొరకవు... దొరికినా ఆ ఫ్రిజ్ లలో ఉండి.. అన్నీ పిచ్చి పిచ్చి గా ఉంటాయి...

పని చెసే వారు అక్కడి ఉద్యొగులు కాని వారి సొంత దుకాణం కాదు కదా,కాబట్టి వాల్లకి ఎమీ పట్టి ఉండదు... ఎందుకంటే... కస్టమర్ సాటిస్ఫాక్షన్ కి వారు జవాబుదారీ కాదు.... ఎదొ సాఫ్ట్వేర్ ఉద్యోగుల ఖర్మ కాలి ...సమయం లేక చచ్చులో పుచ్చులో చూడకుండా కొనుక్కుని పోతారని ధీమా...

రైతు కి కూరగాయలు అమ్మడం అనేది ఒక వృత్తి ...మరి ఈ ఛైన్ సూపెర్ మార్కెట్ల లో పని చేసే వారిది ఒక ఉద్యోగం... రెంటికీ ఎంత తేదా ఉందొ కదా.... సొంత ఇంటికి అద్దె ఇంటికీ ఉన్న తేడా అంత... ... ఫలితం నిరాశ... !! రేపు మనం వ్యవసాయానికి ఇతర దేశాల సాయం అడగాల్సి వస్తుందేమో....

పోనీ మందుల దుకానాలని తీస్కుంటె... అవి కూడా అంతే... అన్ని మాత్రలు ఉండవు... పేరు కి చైన్ దుకాణాలు.... అమ్మేవి మళ్ళీ కొన్ని మందులే... అవేవో ఆసుపత్రి పక్కనే ఉన్న మాములు దుకానాల్లొ కొనుక్కుంటే సరి... అన్నీ లభ్యం...

మందుల దుకాణం కొసమని... ఎంతొ పెట్టుబడి పెట్టి ...సంబంధిత కోర్సులు చేసి ..ఇన్నెళ్ళుగా అదే ఆధారంగా బతుకుతున్న వాల్లని దెబ్బతీయటం తప్ప ఈ అర కొర చైన్ దుకానాల వల్ల ఒరిగె లాభం ఏంటి.. ?
సరయిన ఉత్పత్తులు ..సరయిన ..సరసమయిన ధర లకి దొరికేట్లు మనకి మనం సాధించుకోవాలి...

మన రైతు బజార్లని మనమే కాపాడుకోవాలి... మన మందుల దుకాణాలు... మన కిరాణ దుకాణాలకి మనమే చేయూతనివ్వాలి...

అవసరమయిన ... లోకల్ గా దొరకని వాటికే చైన్ బజార్ లని పరిమితం చెయ్యాలి...

ఇరానీ చాయ్ పిజ్జా హట్ లో ఉండకూడదు... సీతాఫలాలు స్పెన్సర్లో అక్కర్లేదు... అరటి పండ్లకి బ్రాండ్ స్టిక్కర్లొద్దు...

రైతు బజార్లని బేజార్ చేసి ..రైతుల ని ముంచుతున్న ఈ సూపర్ మార్కెట్లు ఇంక నాకొద్దు బాబో....

మీరు కూడా ...ఇలాగే అనుకుంటున్నట్లయితే.... యీ కమ్యూనిటీ లో చేరండి......

http://www.orkut.co.in/Main#Community?cmm=97871926

కన్నులతో చూసేది... కన్నులకి సొంతమునా....a miracle of eyes part 1

దేవతల కే కాదు ...మనకీ దివ్య దృష్టి ఉందని నిరూపించుకునే అవకాశం ఇదిగో ఇక్కడే .......

3డి బొమ్మల్లని కల్లతో కనిపెట్టడం/చూడటం నాకో మంచి సరదా.... లోపల దాగి ఉన్న బొమ్మని చూశాక కలిగే సంతోషం.. ఒక విజయోత్సాహం....

ఎవరికి వారే కనిపెట్టి చూడాల్సిన... మరొకరితో పంచుకోలేని ఆనందాన్ని ... ఈ క్రింది వింత బొమ్మలని చూసి పొందండి....

ఇవి చూడటమెట్లాగో తెలుసుకదా...? ...

ఎమీ లేదండీ... తీక్షణంగా ...మధ్యలో ( మెల్ల కన్ను లా పెట్టి...) బొమ్మని తదేకంగా చుడండి..... బొమ్మలొ మరొక బొమ్మ కనపడుతుంది....లాలనగా....!! అలా కండ్ల కి మాంచి వ్యాయామం... మనసుకి ఉల్లాసం.... మరింకేం.... మీ దివ్య దృష్టి ని పరీక్షించుకోండీ..

( Click on the image to maximise and then practice)

ఇక్కడ కాండీ లలో దాగి ఉన్న మరో కాండీ లని గుర్తించండి..

ఒక అందాల భామని... కనుక్కోండి....ఈ బొమ్మ చూస్తూ ఉండి పోవటం ఖాయం..!!

1..2..3...4...5..6..

సీతాకోక చిలుక

అలాగే షార్క్ ని..

స్ప్రింగ్ ఒకటి భలే గా... ఉంది ఇందులో

శని గ్రహాన్ని... కనిపెట్టగలరా ఇందులో..?

వామ్మో హైదరాబాద్...!!!

భలే నగరం...భలే నగరం...
మహా నగరం...మహా నగరం...
హై'ధరా' బాదు నగరం.. ఆదరా బాదరా జీవితాల నగరం..
సుందర స్వప్నాలంటూ...ఎండ మావులకై పరిగెడుతున్న వింత మానవుల నగరం ...

ఇరానీ హొటల్లతో..ఘరానా వేషాలతో
నిషా యెక్కి తూగుతున్న పరేషాను నగరం...

మమ్మీ డాడీ లంటూ "అమ్మ,నాన్న" మరచిన డమ్మీ ప్రేమల నగరం ...
చైల్డ్ కేర్ సెంటర్లో బాల్యం కోల్పొయిన...హ్రుదయపు ఫ్రకంపనల నగరం
ఆకలితో అలమటిస్తున్న ప్లాట్ఫాం హ్రుదయాల ఆక్రోషాల నగరం

సినీ ఇకిలింపుల వీక్లీలు ,చార్మినారు సిగరెట్లు, హై రేంజింగ్ హోండాలే నగర యువత తొలి మెట్లై
ఫాషన్ల తూటాలతొ తునా తునకలైన నగరం

అరాచకాలకే ఇది రాజధాని నగరం దగాకోర్లకిది భాండాగారం
జూదాలతొ వాదాలతొ అలసిపోయిన నగరం
కాస్టులని ..బాంబ్లాస్టులని.. టేస్ట్ పోయిన నగరం

మానవత్వాన్ని చంపి...స్వార్థ జీవం పొసుకున్న నగరం
ఆర్జనకే అమ్ముడు పోయిన దుర్జనుల నగరం
డబ్బుల కక్కుర్తితో డిగ్రీలమ్ముతున్న నగరం
జబ్బులతో అంతస్థులు కడుతున్న డాక్టర్ల నగరం

ఫలితం లేని కోట్లాటల అసెంభ్లీ నగరం
రాజకీయ బాజాలతొ కుళ్ళిపోయిన నగరం
మహాత్ములంతా అవాక్కై నిలచినట్టి టాంకుబండు నగరం
కొత్త కొత్త "టెక్కు"లలో చిక్కినట్టి నగరం ....

ఇది హై"ధరా"బాద్ ..ఇది హై"దగా"బాద్..హై"డర్"బాద్ ..హైడ్రా బాడ్..

(1999 లో .. ఇంటర్మీడియట్ అయ్యాక కొత్తగా...మొదటి సారి హైదరాబాదు కి వచినప్పుడు.. ఇక్కడి పట్టణ జీవితం మీద నా అభిఫ్రాయం రాసా.... ఇప్పుడు ఎక్కడో సర్టిఫికేట్ల మధ్యలో ఆ కాగితం కనపడితే... దాన్ని ఇలా బ్లాగుకీడ్చా...!! )

"లకోటా ప్రశ్న"(Bita) ...అడగండి...వెంటనే మీకు జవాబులు రడీ..!!

మనం బ్లాగుల్లో ..పేపర్లలో.. రొజూ చూస్తున్న ప్రశ్నలు... "రాముడున్నాడా..?" ..."చిరంజీవి పార్టీ పెడ్తాడా...?" ........" చిరుత విజయం సాధిస్తుందా...? "మధ్యంతరం వస్తుందా.?" "తెలంగాణా లొల్లి యేమయిద్ది..".....మరి ఇలాంటి ప్రశ్నలకి జవాబుల కోసం మనందరం బుర్ర బద్దలు కొట్టుకోకుండా..నేనొక చిన్న సాధనం తయారు చేశా ..ఇదిగో నా బ్లాగులో పక్కనే పైన ఉన్న డబ్బాలో మీ ప్రశ్న రాయండి...వెంటనే జవాబు మీకు కనిపిస్తుంది.....ఇదేదో అల్లా టప్పా విద్య కాదండొయ్... నా ఆరవ తరగతి ఎండాకాలం సెలవుల్లో మా తాతయ్య నేర్పిన "లకోటా ప్రశ్న" చెఫ్ఫే విధానం...:)) మరి అప్పటికి నాకు అర్ధం అయ్యే సులువైన విద్య అదే కనుక ..ఠక ఠకా నేర్చేసుకున్నా...జాతకశాస్త్రం మన తరాలు నమ్మటం మానేశాం ...కానీ.. అందులో నిజమైన ప్రావీణ్యం ఉన్నావారు చెప్పే విషయాలు అప్పుడప్పుడు చాలా అబ్బురపరుస్తాయి(ట) ..!

యేంటీ.. ఇదేదో... Yahoo! Answers (click to open) కి కాపీ.. లాగా ఉంది అంటారా...? మరదే...అన్ని మన వేదాల్లోనే ఉన్నాయష..! అని వినలేదా...కాకపోతే మనవాల్లు .. "లకోటా ప్రశ్నలు..." వాళ్ళు "డకోటా ఆన్సర్స్" అంతే తేడా...


మరి ఆ మాజిక్ గురించి రాసేముందు... మీరు మీ ప్రశ్నని తెలుగులో/ఇంగ్లిష్ లో ...."లకోటా ప్రశ్న"(Bita)" అనే విభాగం లో రాయండి..ఎప్పుడైతే బటన్ నొక్కుతారో మీ జవాబు మీకు కనపడుతుంది వెంటనే...(కొన్ని ఫన్నీ ప్రశ్నలని ఉదాహరణలు గా రాశా అక్కడ చూడండి..)

అందరు నవ్వుకునే విధంగా ఎమైనా ఉంటే ..మీ సరదా సరదా ప్రశ్న లు ...వాటి జవాబులు కామెంట్స్ లో రాయండి..:)

దీన్ని ఎందుకు ఉపయోగిస్తారు..?

దీన్ని సాధారణం గా...పల్లెటూర్లలో ....యేదైనా కొత్త పని లేదా వ్యాపారం మొదలెట్టే ముందు ఆ పని చేసే వారిలో ఒక పాజిటివ్ ధ్రుక్పధాన్ని కలుగ జేసేందుకో .. లేకపొతే ఏవైనా వస్తువులు ..జంతువులు పోయినప్పుడు ( ఆవులు..గేదె లు...పల్లేటుర్లలొ మేస్తూ మెస్తూ దారి తప్పుతూ ఉంటాయి..) ....వాటి జాడ తెలియ చెప్పడానికి... ఉపయోగిస్తారు...
ఎప్పుడయితే వీరు వచ్చి "ఫ్రశ్న" అడుగుతారో ( ఉదా: రేపు నేను మొదలు పేట్టే పని సక్రమంగా అవుతుందా?").. ఆ అక్షరాల సంఖ్య ఆధారంగా కొన్ని గణాంకాలు వేసి వచిన శేషం ప్రకారం దాని జవాబు వస్తుంది...


ఇది ఎలా పని చేస్తుందంటారా...చాలా సింపుల్...:-) ఆ ఫార్ములా :

1) మీ ప్రశ్న లోని అక్షరాలని లెక్కించండి... ( దాన్ని Q అనుకుందాం )


2) ఆ సంఖ్య ని 2 చేత గుణించండి.. ( Q * 2 )


3) దానికి 12 ని కూడండి.. ( (Q * 2) + 12)


4) వచ్చిన దానిని 9 చేత భాగించండి.. ( (Q * 2) + 12) % 9 )


5) వచ్చిన శేషం ని ఈ క్రింది పద్యం తో పోల్చి జవాబు తెలుసుకోండి...


వసు ద్వితీయే నఃభవంతి కార్యం
రస చతుర్ధీ నిజ కార్య సిద్ధీ
సప్త తృతీయే కథయంతి వార్తాః
నవ యేక పంచా త్వరితం లభేత్...


వచ్చిన శేషము ...దాని అర్థం :-

8 or 2... "what you are thinking will not happen!!"

6 or 4...."Yes...This will be a success!!"

7 or 3.... "You will be knowing some news abt this very soon!!

9 or 1 or 5 ......"Yes.. but it will be realised in future"



Disclaimer : Intended for fun, use at your own risk ;)

||వారెవ్వా ఏమి బ్లాగు..||...బ్లాగు సాంగ్....పది బ్లాగులు...

మా బ్లాగానందం ని బ్లాగులు రాయమని...రాసిన...పారడి.. :-)
"మనీ" సినిమాలోని " వారెవ్వా ఏమి ఫేసు...అచ్చు హీరో లా ఉంది బాసూ" పాటకి... ఈ బ్లాగు పారడీ ...( క్రింద Youtube వీడియో ని ఆన్ చేసి...సరి కొత్త లిరిక్స్ చదవండి...)
~~~ ~~~ ~~~

వారెవ్వా ఏమి బ్లాగు...పచ్చని పైరల్లే ఉంది సాగు....
వస్తుంది కూడల్లో ఫస్టు...మరి చేసెయ్యి కొత్త పోస్టు... ||వారెవ్వా ఏమి బ్లాగు..||

పిచ్చెక్కి నెట్టిజెన్స్..కామెంట్సిచ్చేలా చెయ్యి బ్లాగ్సు....
చెప్పింది చెయ్యరా...నీవేరా ... మాక్స్ రేటింగ్సు.. ||వారెవ్వా ఏమి బ్లాగు..||


వీవెన్ టెక్నిక్ కన్నా.. ఏం తక్కువ నీకైనా...
యెన్నారై బ్లాగుల్లోనా.... ఎవరెక్కువ నీకన్నా...

కవితలు..జోకులు...వాతలు..కోతలు రావా నీకైనా..

రానారే అయినా పుడుతూనే.. .' రాయల ' స్టార్ అయ్యిపోలేదయ్యా..
తెగించే సత్తా నీకుంటే .. తెలుగులో కొత్తే నీదయ్యా...

విహారి.. కొత్తపాళి..
నల్లమోతు.... జ్యోతి..
రాధిక. సౌమ్య..
తొటరాముడు... అదర్సు
మొత్తంగా అందరూ... అయ్యిపొవాలొయ్ నీ ఫాన్సు... ||వారెవ్వా ఏమి బ్లాగు..||

సోది..సొల్లు..నస ... అంటారే ...బయటంటే....అక్కడ చేసే పనులే... బ్లాగుల్లో చేస్తుంటే ..
ఓహొ అంటూ.. జే కొడతారు... తేడా ..బాక్అప్పే...!!

నీ బ్లాగే బాగుంది అంటారు...నీ సృజనే సూపర్ అంటారు...
అత్యుత్తమ బహుమతులిస్తారు...అందరికీ గురువు ని చేస్తారు...

బాగుంది కాని ప్లాన్.. పల్టీ కొట్టిందొ ఏమి కాను..
బేకారు బాత్ మాను.. జర బ్లాగర్ లో అవ్వు జాయిను.. ||వారెవ్వా ఏమి బ్లాగు..||




అసలు పాట సాహిత్యం...

వరెవ్వ ఎమి ఫేసు.. అచ్చు హీరో లా ఉంది బాసు..
వచ్చింది సినిమా చాన్సు.. మరి వేసెయ్ మరొ డోసు...


పిచ్చెక్కి ఆడియెన్సు ..రెచ్చిపొయేలా చెయ్యి డాన్సు...
చెప్పింది చెయ్యరా.. నీవేరా ముందు డేసు..


అమితాబ్బచ్చన్ కన్నా ఎం తక్కువ నువ్వైనా..
హాలివుడ్ లొ అయినా ఎవరెక్కువ నీకన్న..

ఫయిటు.... ఫీటు.... ఆటా.... పాటా..... రావా నీకైనా..

చిరంజీవైనా పుడుతూనె మెగాస్టారయ్యిపొలెదయ్యా..
తెగించె సత్తా చూపించందే సడన్ గా స్వర్గం రాదయ్యొ...

బాల్లయ్య.. వెంకటెష్...నాగర్జున నరేష్.. రాజెంద్రుదు సురేష్.. రాజశేఖరు అదర్సు..
మొత్తంగా అందరు అయ్యిపొవాలొయ్ మఠాషు..

గూండా రౌడి దాదా అంటారె బయటుంటె.. ఇక్కడ చెసే పనులే సినిమాల్లొ చూపిస్తే..
ఒహొ అంటూ జెయ్ కొడ్తారు..తేడా మేకప్పె..


నువ్వుంటె చాల్లే అంటారు.. కథెందుకు పోన్లె అంటారు..
కటౌట్లు గట్రా కడ్తారు...టికెట్లకి కొట్టుకు చస్తారు


బాగుంది కాని ప్లాన్.. పల్టి కొట్టిందో ఏమి కాను..
బేకారు భాతు మాను.. జర ..దారూ తగ్గించు ఖాను..

సుప్రీంకోర్టు జిరాక్స్ షాప్...( 40 ps per Page ) ....

కోర్ట్‌తీర్పు డాక్యుమెంట్స్ అందలేదని అయిదుగురిని బెయిల్ మీద వదిలేశారటకదా...(అదేనండి...టాడా ..సంజయ్‌దత్..గుర్తొచ్చిందా) ...ఇది విని ఇంక నేను మా మేనేజర్ తో చెప్పి ఇండియా ప్రయాణమవుతున్నా.....ఎందుకంటే...మరి ఇప్పుడు జైల్లో ఉన్న వాళ్ళందరూ ..అంటే... దగ్గర దగ్గరగా ఒక నాలుగున్నర లక్షల మందిని బెయిల్ మీద రేపో మాపో వదిలెయ్యాలి కదా... వాల్లందరికీ మరి ఆ డాక్యుమెంట్లేవో ఇయ్యాలంటె..ఎలా..? అందుకే నాకొక బ్రహ్మాండమయిన అవుడియా అయ్యింది...అదే "సుప్రీం కోర్ట్ జిరాక్స్ సెంటర్"...ఒక పే...ద్ద... చెయిన్ జిరాక్స్ సెంటర్ కాన్సెప్ట్ తో....దేశమంతటా ..ప్రతీ కోర్ట్ దగ్గరా జిరాక్స్ షాపు లు పెట్టి ....తీర్పు ప్రతులన్నింటినీ 40 పైసల కే జిరాక్స్ తీసి మన కోర్టులకి ఇచ్చేస్తే......ఏదొ ఉడుతా భక్తి గా దేశానికి సేవ చేసినట్లూ ఉంటుంది...(మన తెలుగు బ్లాగర్ల కి 50% డిస్కౌంట్ అండొయ్...త్వర పడండి...)

అయినా...ఆరేల్ల కఠిన శిక్ష పడ్డవాడు .....నెల శిక్ష కూడా కాకుండా పేపర్లు లెవ్వని బెయిల్ అడగటమేంటొ.....అదేదో కింది కోర్ట్ CMM level - 5 ఆడిట్ లో తప్పు చేసి పట్టుబడినట్లు..... సుప్రింకోర్ట్ ఇచ్చెయ్యడమేంటొ...

దీని తర్వాత మరి ఈ ఖైదీ లంతా...తీరిగ్గా..తీర్పుని చూస్తూ... డవుట్ క్లారిఫికేషన్ సెషన్ చేస్తారేమో కోర్ట్ తో....హతవిధీ..

ఇక "నెహ్రూగిరి" తో "సంజయ్ దత్" ..అఛ్ఛా ఖైదీ...56 ( AK 56 )

సంజయ్ దత్ జైల్లో నెహ్రూ గారి లాగా....పుస్తకాలు... డైరీ..లు రాయటం మొదలెట్టాడు...ఈ "నెహ్రూగిరి" మొదలెట్టి రాసిన డైరీ లో ఒక పేజీ....ఇదిగో...

* * * * * * * *

"చట్టం తన పని తాను చేసుకు పొతుంది...చేసుకుపొయింది కూడా..."

చీకటి ప్రపంచం తో స్నేహం ఈ చీకటి గదికి నన్ను చేర్చింది... ఒక AK56 ..నలభై యెనిమిదేల్లకి నాలో తూటాలు దించింది...కౌరవుల పాపం పండటానికి 14 యేల్లు పడుతుందని మహాభారతం లో పాండవుల అరణ్యవాసం నిరూపించినట్లు... నా పాపం ఇదిగొ ఇలా 14 యేల్ల తరువాత ఇప్పుడు పండింది...

మార్చి 12(1930).....ఆ మహాత్ముడు..నా బాపూ...ఉప్పు సత్యాగ్రహం కోసం "దండి" యాత్ర చేస్తే ...అదే మార్చి 12(1993)న కొందరు భారత మాత ఉప్పు తిని ...ఆమెపైకి ముంబాయి పేలుళ్ళ ద్వార దండ యాత్ర చేసారు...

సహాయ నిరాకరణ ఉద్యమం తో..బ్రిటీషు పాలకులను మూడు చెరువుల నీల్లు తాగించిన మహాత్మా గాంధీ కి 1922 లో..ఇదే జైల్లో...ఇదే ..6 యేళ్ళ శిక్ష విధించారట..నేను..ఈ పవిత్ర భారత దేశానికి నా సత్ప్రవర్తన చూపించి ఈ ఆరేల్ల శిక్ష "సాధించ" గలిగా...హ ..నాకూ బాపూ కి పొలికా...? ఇంకా నా మీద జనాల్లో ఉన్న అభిమానం కాకపోతేనూ... కానీ... ఎక్కడొ ఆశ...మరి నన్ను కూడా....శిక్షాకాలం ముగియకుండానే ..గాంధీ లాగా.. రెండేళ్ళకే వదిలేస్తారా...ప్చ్..ఏమో....భగవంతుడా...

దక్షిణ ఆఫ్రికా లొ ...జైల్లో ఉన్నప్పుడు గాంధీ తమిళం నేర్చుకున్నారట ..పుస్తకాలు చదివే మంచి అవకాశంగా దాన్ని ఆయన భావించారట...
**నేను కూడా..తమిళమో..తెలుగో...నేర్చుకుంటా...బయటకి వచ్చాక...నా సినిమాలు నేనే రీ మేక్ చేసుకుంటా అన్ని భాషల్లో.... :) హ...

చేసిన తప్పుకి ప్రాయశ్చిత్తం ఇంక ఎంతో చెయ్యాల్సి ఉంది....!!! ఇక్కడ ఒక కొత్త జీవితం మొదలెడ్తా......

** మరిన్ని పుస్తకాలు చదువుతా..... నాలా ఎవ్వరూ తప్పు చెయ్యకుండా నా అనుభవాలను... జీవన పాఠాలను...పుస్తకాలు గా రాస్తా....

** నా అల్లరితో జైలర్ లింగం మావల బడతం పడతా ..

** కరడు గత్తిన తీవ్రవాదులకి .."జాదూ కి..ఝప్పీ .." రుచి చూపిస్తా....యావజ్జీవ కారాగారులకి,ఉరి శిక్ష పడిన వారు...ప్రతి నిమిషమూ ఆనందించేట్లు చేస్తా.......

****....అఛ్ఛా ఖైదీ 56 (AK 56) అనిపించుకుంటా....!!!

వెతుకు.....వెతుకు.... వెతకాలీ.....

(శోధనమున పనులు సమకూరు ధర లోన " )

సాంఘీక శాస్త్రం పరీక్ష హాల్లో..గాబరా గా జేబులన్నీ వెతుకుతున్న విద్యార్థి ని...

"ఏమి వెతుకుతున్నావు రా నాయనా అని" పంతులు గారు అడిగితే...

"భారత రాజ్యాంగం".. మాస్టారూ... ఇక్కడే ఎక్కడో పెట్టా "..అని నాలిక్కరుచుకున్నాడట...

నాకు తెలిసినంతవరకూ...ఇప్పుడు.....వెతకటం అనేది అసలు ఒక కళ...ఒక శాస్త్రం...ఒక వ్యాపారం...ఒక వ్యాపకం...కొంతమందికయితే...ఇదే జీవితం మరి...

హా...ఏంటీపైత్యం...అనుకుంటున్నారా.....ఇంటర్నెట్ ప్రపంచం లోమనం రోజూ ఎన్నో రకాల గాలింపులు చేస్తున్నాం...తెలియనిదేదయినా..ఉంటే... మొట్ట మొదట వెతికేది ...గూగుల్ లోనే కదా.. మరి..గూగుల్ శాస్త్రమా...వ్యాపారమా..వ్యాపకమా అని అనుకునేముందు... కొంచెం వెతుకులాట గురించి...మట్లాడుకుందాం..

అసలు జీవితం లో ..ఈ వెతుకులాటనేది.....చేతికి అందకుండా అమ్మ దాచిన పప్పు బెల్లం దగ్గర మొదలయి...మట్టి హుండీల్లో.. నాన్న చొక్కాల్లో.. ..చిల్లర పైసల కోసం వెతికే పేజీ కి.... అక్కడినుండీ...పరీక్షల్లో ..జానెడు జేబుల్లొ రాజ్యాంగాన్ని వెతికే..లంకె కి చేరుతుంది..

"ఫుడ్ లేకపొయినా.. బెడ్ లేకపొయినా...పగలు రాత్రి వెతికీ వెతికీ నీకే లైనేశా..." నుండి..
"నీ కోసమే ఈ అన్వేషణ.. నీ ధ్యాస లో...ఈ ఆలాపన" అనే విరహ గీతాల స్థాయికీ చేరుతుంది ...

ఇంతేనా..ఈ వెతలూ... ఈ వెతుకులాటలు ..అన్వేషణ లు... శోధన లు...గాలింపులు... జాలాలు... చాలా రకాలు...

అందులో.. మచ్చుక్కి...ఇదిగో ఇలా...

సత్యాన్ని...ఒకరు వెతుకుతుంటే...శాంతిని మరొకరు వెతుకుతుంటారు...:)

దేవున్ని దోవులాడేవారు కొందరయితే... వేరే గ్రహాల్లో జీవానికి జాలాలేసే వారు మరి కొందరు...

నరాలు..నాడులు...వెతుకుతూ.. లేని రోగాలు వెతికీ మరి అంటగట్టే డాక్టర్లు కొందరు..
తమిళ నాట.. వీరప్పన్ ని వెతకటానికి ప్రభుత్వాల ఆటలు... , ప్రపంచ శాంతి పేరున..లాడెన్ కోసం.... బుష్ చేసిన వెతుకు'లాట'లు...

ఇక మనదగ్గర... ప్రతి పక్షమేమో పాలక పక్షంలో ని తప్పులు వెతుకుతుంటే... పాలక పక్షం...ప్రతి పక్షం చరిత్రని వెతికి మరీ "కడిగేస్తానంటుంది.."

పురాణాల్లో.. శ్రీరాముడు...రావణుడు అపహరించిన సీతమ్మవారి కోసం వెతగ్గా......శ్రీకృష్ణుడు...తను అపహరించని...శమంతక మణి కోసం వెతికిన వైనం,..వెతుకుతూ వారు సాధించిన లోక కళ్యాణం...తెలియంది కాదు..

...వంద కోట్ల చిరునవ్వుల్ని.. సుందర స్వప్నాల్ని వెతికే మరో అబ్దుల్ కలాం లాంటి వాళ్ళు..ఈ కుల్లు రాజకీయాల్లో..అంజనం వేసి వెతికినా ...కనపడతారా..? వెతకటం మొదలెడితే..అదేదొ సబ్బు ప్రకటన లొ లాగా.."ఇంక మీరు వెతుకుతూనే ఉంటారు.."....

సో... ఈ వెతుకులాటలన్నింటినీ మించి..... 'వెతకటా'నికి దాదాపు గా సమానార్థం సాధించుకున్న పదం గూగుల్ ( google , googling )...పుట్టబొయే పాపకి పేరు పెట్టడం నుంచి.. ..చంద్ర మండలం పై మానవుడి ప్రయోగాల ఫలితాల గురించి....ఏదైనా క్షణాల్లొ.. వెతికి మన లోగిలిలో ఉంచేదే గూగుల్..!!

స్నేహితులని వెతకటానికి ఆర్కుట్.... ( Orkut)

చలనచిత్రాలని వెతకటానికి యూట్యూబ్.... ( Youtube)

వెతక పొయిన తీగ కాలికి తగిలినట్లుoడే ఆడ్ వర్డ్స్...(ప్రకటన పదాలు..).లతో....( AdWords)

చంకలో..పిల్లాడినెట్టుకుని..ఊరంతా వెతికే భయం లేకుండా... గూగుల్ డెస్క్ టాప్..(Google DeskTop)

ఇలా... ఇందుగలదందు లేదని సందేహము వలదు...ఎందెందు వెతికినా గూగుల్ అందందు కలదని చాటుతుంది.....

ప్రపంచం లోని ఙ్ఞానాన్నంతటినీ....ఒక చోట చేర్చి..."శోధనమున పనులు సమకూరు ధర లోన " అని..నిరూపిస్తుంది....కాబట్టి...అందుకే..వెతుకు.. వెతుకూ... వెతకాలి.. !!!

అన్వేషణా రసికులకు గూగుల్ ..కౌగిలి లో...కొన్ని శోధనా చిట్కాలు...:

పొ.ప.న -- *LOL* ( పొట్ట పగిలి నవ్వ౦డి)

వయ్యస్ పోగర్ నిర్మా!!..వయ్యస్ పోగర్ నిర్మా!!..

'బాబు' లోని తెలుపు...వయ్యస్ తో..వచ్చి౦ది...

ర౦గ౦ లో..నేతల్ని.. తళ తళ గా..కడిగేను..!!

ఇప్పుడు ..అర్థమయ్యి౦దా..మేము..ఈయన్నే CM గా ఎ౦దుకు...ఎన్నుకున్నామో..!!? :)) ..lol..(పొపన)

...
తాత్పర్యము..

పార్థా..!! వయస్సు వలన వచ్చు వగరు తీవ్రత చే...ప్రపంచమును.. తళతళ లాడించ వచ్చును...
'చంద్రు'ని లో..తెలుపు ని.. అనగా పౌర్ణమి ని తెచ్చునది.. ' వయస్సే.'
'బాబు' కి..అనగా పసి పాపలకు...తమ నిజ తేజముని...కలిగించునదీ.. 'వయ్యస్సే...'
ఇదియే... మన 'వయ్యస్సు'.. 'ఖర్మ' సిద్ధాంతం...